تقول احدهم.
انا اتجوزت ٥ سنين و مخلفتش و جريت كتير عند الدكاتره و قالولي مفيش امل و عمري ما هخلف ..و ف يوم جوزي قالي عاوزين ننقل عشان ندهن الشقه و نجدد الديكور بتاعها بقي ممل قولتله هو شكل حلو كده قالي لاه عاوزين نجدد المهم شافلي سكن جنب بيت اهلي و نقل العفش كله و راح اتجوز ف شقتي لما عرفت الخبر قولتله ليه معرفتنيش الحقيقه انك عايز تتجوز قالي كنت خايف ع مشاعرك قولتله انا افرحلك لما تكون نفسك تخلف قالي اللي حصل حصل و مهما كان انتي عشره عمري فاتت الايام و عدت و سمعت خبر ان مراته التانيه حامل جالي و قالي باركيلي انا هكون اب قولتله من كل قلبي اتمني انه يكون طفل جميل زي بباه عدت ايام و جه قالي انا اسف مش هقدر اكمل معاكي قولتله ليه قالي انا هيكون اب و ورايا مسئوليات و مش هقدر اصرف ع بيتين قولتله خليني ع ذمتك و ملكش دعوه بمصاريفي هشتغل و اصرف ع نفسي قالي مينفعش قولتله طب هخلي اهلي يصرفه عليه و خليني ع ذمتك انا بحبك متسبنيش قالي الحمل تقيل عليه و طلقني رغم ان هو موظف عالي و مرتبه كبير يقدر يفتح ٤ بيوت و طلعني من شقته الملك و سكني ف الايجار اتاري كان ناوي من الاول انه يطلقني .. عشت اياااااام سووووده و قولت اتحكم عليه اعيش وحيده
مع الوقت بابا قدملي ع وظيفه حكوميه قبلت فيها ابتديت اخرج و اروح الشغل بعد فتره اتعرفت ع زميل ليه ف الشغل سألني عن ظروفه حكيت له علما بأن مكان الشغل ف نفس البلد اللي انا ساكنه فيها و برضه طليقي من نفس البلد اللي انا فيها
المهم ف يوم من الايام زميلي طلب يتقدملي مكنتش مصدقه نفسي انت ازاي مسبقش لك الجواز قبل كده و تاخدني مطلقه و كمان عقيمه قالي انا اتعلقت بيكي و ميهمنيش اخلف قد ما يهمني اني اعيش معاكي
و اتجوزته و بعد مرور ٣ شهور تعبت فاجاه روحت اكشف الدكتور قالي مبرووووك انتي حامل ف شهرين مكنتش مصدقه بجد !! بجد حامل .. طب اتاكد كده تاني يا دكتور قالي و الله حامل الخبر فرحني بس قولت اتاكد عند دكتور تاني و برضه اكدلي اني حامل و عن بقي كميه الفرحه اللي ف قلبي و اللي هتفط ف قلبي بقيت اعيط من الفرحه وسط كل ده الناس عماله تزورني و يباركولي و فرحولي اووووي و سجده ف الارض شكرا و حمدا لله ع كل نعمه و فضله رزقني بوظيفه و زوج احن عليه من ابويا و امي و اخيره هكون ام ..
ماضاقت الا ما فرجت
الحمد لله حمدا كثيرا..